كنا شلة بنات مع شوية عربجة بس على كيفكم عربجة بنات يعني فيها نعومه اذا مرت وحده مغرورة او طايحة بالموضه عرض او ماحولها وحول الموضه علاقة لامن بعيد او قريب لدينا شفرة ( ياهوووووووه ياكشخة ذوقك ملح ) طبعا الملح مثل بعض الناس يرفع الضغط ع الاخر والمسكينة اللي تسمع تصدق حالها .
المهم وانا وخوي في ليله من الليالي نسير بطريق الملك فهد ببريده من الغرب للشرق وعند اشارة تقاطع العدل مع الطريق توقفنا بالاشارة والا هاك الفياجرا شكلة حلو وجذاب وصاحبة شكلة كاشخ لكن .
لكن للاسف تقدم بالاشارة وصار قدام كل السيارات يعني بمنتصف الطريق ومانتهى الامر عند كذا بل فتح النافذه ورمى علبة فلين روست واعقبها بعلبة همبرجر .
ليه بس يابو كشخة ماكملت كشختك واحترمت الشارع والمارقين بالشارع وحافظت على الذوق العام .
بصراحة انقهرت عن جد ليه تكشخ دام مانت قده ، السيارة توحي بمظهر خلفة ( ملح ) .
من منكم شاهد مثل هالمنظر الخيالي وسؤال اخر بجد كيف كان ردة فعلك .
( باي ذا وي ) يعني بالمناسبة اذا وقفت السياره عند الاشارة وانا فاضية اقعد اعد العلب المرمية عندها خاصة الاشارت على مداخل مدينتي بريده .

منكم من يقول وش دخل ( ع ص ك ) بشئ مايخصك لكن اذا كل شخص عمل مثل ماعمل هالشخص اللي كنت اعده ذوق من مظهر هلامي كم عامل بلدية يكفي لنا لنظافة الشوارع وكم مكنسة ستنكسر وكم ريال سيدفع زياده دون وجه حق والمهم ( بينقص عدد علب البيبسي ) التي سيجمعها عمال البلدية لانهم بينشغلون بجمع علب البرجر والروست .

طيب ليه كل شخص مايسوي مثل اخيي الله يحفظة لو اشترى علبة عصير من الرياض مالها وعن زبالة شارع بيتنا حتى لو عقب خمس ساعات .


انا ممكن اذكر رقم سيارته التي ورد جزء منها في اول سطرين واقول انه ( ................) من اجل العبرة والعظة ولكن نستر علية واخاف العواقب يرفع قضية تطيح فوق راسي .
واصير انا الموقع اسمي ادنا


المجرمه


سارة عبدالرحمن