بعد فترة انقطاع لاسباب ربما خارجة عن السيطرة الافقية اعود والعود سار او اخو ساره .
بصراحة فقدت نكهة مميزة وموقع اخباري جميل جدا وهو القصيم نيوز .


نعود لمحور حديثنا

كان خالي ـ الله يذكر ذيك الايام بالخير ـ في ايام خوالي ،، كان اذا رحنا الاستراحة ينادي سارة سارة وين سارة اقول له نعم يقول ولعي الفحم لراس خالك بضبط لي راس [ اول مره سمعت السالفه هذه انهبلت ومافهمت ورحت اسال وهو يترنح ضاحكا مختال ] مافهمت بضبط لي راس . لكن بعد فترة صرت ماهره بشبة الفحم ووضع المعسل وايضا كان خالي يكافئ بنت اخته بالتجربة يتبعها عدد من الكحات بالبداية ثم تعود ... وصارت سارة تشتاق للاستراحة مو عشان ريما كما تقول لكن تبي تضبط الراس ... طبعا كان دلع بنات ولم يصل الى الادمان اللي صار يحكيه خالي ووقع فيه .
مرت سنين وانتهت تجربة سارة ببضع شفطات من المعسل وانتبهت لروحه وصارت تفهم الخطاء والصح واقلعت عن تلك الممارسات ـ لاتصدقون ترى مجرد مرتين او ثلاث ـ

وماجاء في مخيلتي الصافية ونفسي البرئية في ذاك الوقت ان المراة تدخن او تدخن المعسل .... لكن الواقع مرير خاصة بين معشر الصايعات .

مادعان لتلك الكلمات واسترجاع الذاكرة هو ماذكرت بنت اختي الله يحفظة اللي ساكنه في الرياض وتقول شاهدت على محل عبارة :
ممنوع دخول اقل من 18
تلك العبارة وضعت على محل لبيع احتياجات المعسل ،،، طبعا اقل من 18 سنة للشباب لكن تقول والحديث لبنت اختي شاهدت فتاه صغيرة ربما لا تتجاوز 18 سنة تخرج من محل وقد اشترت ضبط الراس وتركب مع سيارة ليموزين فتلك العبارة فقط للشباب لكن النواعم طق العباة والشيلة واضحك مع البائع واشتر مايضبط الراس .

وهنا تنجلي بنت حبوبة وشاطرة

وتذكر لكم ياهووووووه يابنت اضبطي الراس

وتتذكر ايام خوالي

لتقول نعم انا

انا المجرمة

سارة عبدالرحمن