لضمان سلامة بناتهم جسديا وعدم تعرضهن لخشونة الأولاد

أقول عاش مصررررف

طول عمرهم البنات يلعبون مع العيال ولا جاهم الا العافية

أقول وش يصيرلك الشيخ البراك

هههههه


الاخ عزوز ........... افهم واقرا جيدا وياليت تاخذ لك كورس في الثقافه

مبين انك مافهمت امقال جيدا

صدق قسم بلله ناس جاهله وموسوسه يعني الى هذه الدرجه وصل بكم الجهل والله ماتطلعون راس وهذا تفكيركم الناس وصلت القمر وذولا اختلاط وختلاط ياعمييييييييييييي طيييييييييييير

السلام عليكم

ما اقول الى حسبي الله عليكم كلها شكوك واوهام معشعشه في رؤوسكم

عيب والله عيب وما اسباب الطلاق الى من امثال هاالعقليات الشكاكه...
يا اخي اطفال صغار حرام عليكم..


سلام

خطوة تشكرون عليها

انا قبل قم يوم ذهبت انا والعائلة الى

مهرجان محافظة عنيزة فعلاً

جهد واضح يشكرون عليه

لكن دخلت بناتي الى اللعبة (( النطاطات ))

والله كانت مشكلة بالنسبة للبنات

وذلك لان الولد لعبه خشن بطبيعته

مما جعل البنات لم يستمتعن في اللعب

وخرجن باكيات يشفق عليهن

انا مع جعل بعض اللعاب مخصصة

اولا السلام عليكم .. جميعا ..

المشكلة من موظفين البلدية اصلا

ولافيها شركات مستثمرة ولا شي ...

بالنسبه للاختلاط هذا يا ناس واحد سوف اذكرة تحت لا تستعجلون راح لم اصحاب المحلات الي يبيعون وقالهم لا زم تلبسون ثياب وسيعه طبعا الثوب المخصر ممنوع ومننوع تلبس تي شيرت والبنطلون الجنز ... لانه على حد قولهم درأ للمفاسد .. ومن متى صار الجنز مفاسد ههههه تخيلو صاحب مطعم منع من لبس البنطلون وصار يلبس ثوب ويشخص كوبرا ويبيع بطاطس وهمبرجر ..

ولكن العماله الاجنبيه مسموح لها اللبس .. (( مخصي يعني )) الاجنبي

تخيلو مانعين دخول سيارات توصيل الطلبات داخل المنتزة ..

يعني لازم الحرمه تستلم العشاء عند البوابه بمراقبه رجال الامن الاكفاء في هذة المحافظة السعيده .. والخافي اعظم .

اخواني ..


هذا رئيس قسم الاستثمارات بالبلدية هو الي ماسك منتزة خرطم وماسك الاستثمارات بالمحافظة وماسك المتابعه بالبلدية ومعه مجموعه من الموظفين الجدد والرجال مصلح زحمة وفوضى بالمنتزة وبالبلدية ايضا ...
على العموم البليهي والله العظيم انه رجل شغيل ويحب الشغل ويحب المحافظة لكن المشكلة بالي تحته وتراهم واجدين (( قلقسة)) واحد ماسك خرطم وواحد ماسك السوق الشعبي واخوانه ماسكين الخيمة الدعوية ... لا والسيارت القديمة والبعارين والله حفظنا ارقام لوحاتنهم من كثر ما يطلعن بالسياحي ياناس المناصب ميب بالكبر والله العظيم ميب بالكبر ولا باللحية المناصب بالرجال الاكفاء (( عقليات يعني ومعارف وناس واصله )) الي يخدمون المحافظة وبس .. وراعين علاقات ولايهمهم احد هذولا يترزرزون عند الريس كل يوم وسوينا وفعلنا ونسيت لا اقولكم تراه ماسك قسم الرياضي بالسياحي خخخخخ والله يا صلح سباق درجات من افشل السباقات والدلليل على ذلك المتاسبقين الي صارلهم شهر يتمرنون انسحبو من السباق والله العظيم لانه غير البرنامج كاملا بيوم السباق خخخ فوضى وحب النفس وفرض الكلمه وانا وانا سويت وانا راح امشي كلمتي .. وبس ..

ااااه بس يا اعظاء المجلس البلدي تكفون شوفو حل لنا .. والله ضياع

يا ناس روحو شوفو الديار الي بجنبكم لا تبعدون كل يوم فاتح مشروع جديد ومطعم جديد وورشة جديدة وطريق جديد موب لازم اتكلم انتم شايفين وانا ابصم بان جميع سكان المذنب يذهبون الى عنيزة وبريده شبة يومي لماذا ...

ماعندهم شي هناء .. الا صح نسيت العثيم .. (( اختلاط ما يصلح )) عيب

لكن المذنب صغير وندري عن كل شي ... ياعالم ..

الزبده بالنسبه لقسم الاستثمارات انتم تشوفون المذنب تجلس سنه كاملة ما فتحبه اي مطعم واي موقع استثماري والدليل على هذا وشو .... قسم الاستثمار والتعقيد الزائد وقسم الرخص ايضا .. والله العظيم و اتحدا اي واحد منكم يروح بكرا للبدليه يقدم على رخصة حقت محل والله ما يعطونه وتمر على جميع موظفي البلدية للتدقيق انواع التعقيد من جد لا زم تسوي كذا لازم لازم لازم النظام ما يسمح مع انه بعنيزة وبريدة يسمح .. ولو تقدم على مؤسسه من اجل بيع الفيز راح تخلص الرخصة وانت واقف ؟؟ والله عجيب .. ما لاحظتو ان جميع المحلات مؤسسات ,,, ولكن وين الي تشتغل يا ناس الحين افضل طريقه تجارية انك تصلح محلات وأجر مؤسسات والله ماراح تاقف ابد صارن المؤسسات اكثر من السكان ...

الارض الي بالصناعية .... اجل اكبر ارض بالصناعية بالمذنب ترسي مناقصه على اخو مدير قسم الاستثمار ومبلغ بسيط جدا جدا جدا ومدة العقد اكثر من 20 سنه والله مشاكل
.. لا والاعلان حق الارض بجريده المدينه ههههه اصلا جريدة المدينه الظاهر متوقفه عن النشر من زمان ,, لا والي مقدم على الارض اخوة ورفيق اخوة واحد حاط سعر والثاني انقص من السعر بشوي عشان ترسي على الرجال ..

يالله وبعدين يروح ويحط الارض محلات ويأجر مؤسسات ودوووس والا يروح لم التاجر الي خابرينه بالسوووق ويقوله ادخل مكاني وعطني مبلغ وقدرة طبعا دبل دبل دبل الدبل ... صارت تجارة موب شغل ..

على العموم هذا انتم يا ابناء المحافظة والله ما تطلع ديرتكم وهذه الاشكال موجوده خلوكم بس على المطاعم الي تحوم الكبد وانواع الامراض والا الصناعية الزينه ..

واالا سوق الخضار الله الله مالذ وطاب تجدوونه هناك ..

بس تصدقون احسن شي يوم يقولون لاصحاب المحلات الي على الطريق العام لا زم تحطون الواجه حجر بصراحه روعه منكم ووالله يا عندكم حلاقين ماشالله انواع النظافه بحي النويدس طبعا مجمع هناك ...

على العموم القادم افضل باذن الله

كودو / ماكدونالدز / كنتاكي /برجر كنج / كلهم انشالله راح يكونون بمجمع المطاعم الجديد على طريق الملك عبدالله ...

المذنب مووول // المذنب ستي سنتر // المذنب اختلاط طبعا سوق كبير هذا 4 ادوار الصيرفي خخخخ على غفله / راح تستمتعون بالتسوق ..

صناعية السبيعي الشمالية / صناعية الاختلاط الشرقيه طبعا هناك مسموح لبس الجنز .. لاصحاب الورش فقط ..
البنك الاهلي / بنك البلاد / بنك الجزيرة / بنك الاختلاط الربوي ..


وكالة تويوتا / الجميح / نيسان / الوعلان /

قطع غيار النهدي / الرميح / الفريدي /

مخابز الارياف / رغد /

لا تستعجلون ..

لكن تبون رايي فيه اراضي بحي الفاخرية بعنيزة رخاص ومسموح تسكن انت وعيالك وبناتك مع بعض لكن انتبهو للخشونه ترا الحكم اجنبي ومايرحم كرت احمر على طوووول

الى اللقاء ..

ياأفشل صحيفه وين ردي ماتبون النقد سكرم ورشتكم هذي أأقول سلملي والله ع الوئاااااااااااااااااااااااام تعلموا يا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صريح]

ليش متعب نفسك و كاتب لك رد طول المقال مرتين ..


ونصفه قرق فاضي ..؟؟؟ لايدل إلا ضحالة اسلوب وعدم وعي !!


إذا أنت رجل وابن للمحافظة ..

ورنا شغلك ... وماذا قدمت لبلدك ومدينتك


لكن الفاشلين الناقدين أمثالك لايصنعون إلا الفشل

ولا ترمى إلا الشجرة المثمرة .


مسكين صريح وبس

اوح اوح اوح كل هذا صاير بالمذنب والله مشاكل

...........................................................................

مو معقول .. لكن يمكن يكون صدق ليه لا ..


صريح اذا كلامك صدق والله ما راح يسكتون ابناء المذنب ..

على التلاعب الي صاير ..