• ×

08:07 صباحًا , الأحد 23 ربيع الثاني 1443 / 28 نوفمبر 2021

خربشات فاضي

المجالس البلدية ...ياطفران ارقد ونام وقلبك لا تحمله هم

خربشات فاضي

 1  0  3.1K
زيادة حجم الخط مسح إنقاص حجم الخط
بعد التجربة الفاشلة والفاشلة جدا ، للمجالس البلدية في الفترة السابقة ، والتي كان دافع اغلب من ترشح هو ( البرستيج ) والوضع الاجتماعي ، أما المواطن وهمومه ( اقرب مخرج ) ، لذا قررت أن أرشح نفسي لعلي أقدم شي ، توسدت مخدتي وشددت لحافي ، وحددت أهدافي الانتخابية والتي سوف تخدم المواطن ، وحلمت وبالغت في أحلامي ( مسكين ) حتى تخيلت محافظتي شبيهةً لسنغافورة أو دبي ، عشت أحلامي الوردية وتخيلت الخدمات البلدية التي سوف أساهم في تقديمها ، صرف صحي ، شوارع رائعة ، تشجير ، تجميل ، حدائق ، وفجأة ، وقبل اكتمال حلم ملاعب القولف ، انقطع بث أحلامي ، يالله ( وش صار ) طارت الأحلام ، (من سحب ( سلك ) أحلامي ، وأنا في تساؤلاتي سمعت صوتا جهوريا قائلا ( وين يابو الشباب ) أحسن جبلهم قطارات معلقة ) اجل ناوي تخليها مثل سنغافورة ( وش عنده مهاتير محمد) ، ثم ضحِك ضحكةَ سخرية ( ضيقت صدري صراحة ) ، بحثت عن مصدر الصوت ، فإذا به يردد ( هنا هنا ) ، بغضب وحيرة رددت ( وين ؟ ) كالصاروخ جاوب ( في مخك ) ، وبنفس الصاروخ رددت وش جابك في مخي ؟ قال ابد كنت رايح لبوفية صنعاء ، وقالوا لك انه فاتح فرع بمخي ،جاوب بثقة لا00 بس بوفية صنعاء ( قطوع من غرفتك اقرب ) وأنا متعدي شفت حولك هاله وردية ، وخبرك ( حنا يا ربيّعك ) فينا لقافة ، قلت ابشوف وش عنده ( هالطفران ذا ) ، قلت اجل تعرفني ، قال إيه ، طيب من متى ، قال تخبر يوم تخيل انك تبني بيت بـ (250000 ) وتشتري سيارة بـ (15000 ) ، وأن حياتك تمشي بدون قروض وراتبك يكفيك ويفيض ، رديت بخجل إيه إيه ، طيب من أنت ، أنت عرفتني وأنا ما عرفتك ، أنا الواقع يالحبيب ، قالت اهاااا عشان كذا حدك بوفية صنعاء ، شكلك مبهذل ، رد بزعل أقول عن البربرة الفاضية ، والحين أنت من جدك ناوي ترشح نفسك ، إيه وش فيها ، ماني ناقص ، انا مواطن ، جامعي ، وهرش بعد يعني السن مناسب ، ردد بغضب ( هرشوا مخك ) ، يا ..........( تشفير ) ابسئلك أسئلة وتجاوبني عليها بصراحة ، وبعدها بكفيك ، تشبك سلك أحلامك الوردية أو تفصله على طول وتهتم بهمومك .
السؤال الأول ( وش أنت ) ؟ رديت بغضب وش دخل ذا بموضوع الترشيح ؟ وجاني الرد كالصاعقة ، أقول رد يا .......... ( تشفير ) ولا تقاطعني لين اخلص سمعت ، صراحة خفت وقلت بصوت المستسلم ( أبشر ابشر ) ، هاه وش أنت ؟ إنا من الفلانية ، وكم عددكم هنا ؟ قلت يمكن 30 رجال ، ردد زين زين زين ، السؤال الثاني كم راس مالك ؟ ياآآآآخي ماله داعي الإحراج ، أنت تترد ولا اخلط لك المخ على المخيخ ( احوس مريرك ) رديت بخوف طيب طيب طيب راس مالي صراحة ( وابتسمت ) ذكريات حلم وآمال وطموح ، ضحك وقال رح اشتغل مع عبده في بوفية صنعاء اصرف لك ، آخر سؤال لك لحية ؟ ، قلت ماتشوف ، قال عشان كذا ما أبيك تجاوب ،
الحين عرفت ليش سألتك الأسئلة هذي ، الحين عرفت انك ما تملك سبب واحد يخليك ترشح نفسك ، القبلية والمناطقية ، المال والجاه ،وانك تكون مطوع ، يعني يالحبيب يعني ما راح يصوت لك إلا الثلاثين رجال ويخلونك الاختيار الثاني بعد ،.
انقهرت وضربت بيدي على الفراش ، قلت طيب والمواطنين واحتياجاتهم من يتكلم بصوتهم من يطالبهم بالخدمات البلدية ، قالي شوف المواطن واحتياجاته هذي يمكن بعد مية سنه ، إذا صار عند المواطن وعي وعرف من يرشح .
وبعدين تعال (أنت وجهك ) ، قلت أكيد اجل اجيك بدون وجهي ، أقول لا تستهبل ، الحين متى أعضاء المجلس البلدي ( سووا شي ) بالعربي زيهم زي حماية المستهلك ، بالله عليك متى أعضاء المجلس البلدي قدروا يحركون درام زباله محطوط في مكان غلط ، يارجال حتى مراجيح الحدائق ما قدروا يصلحونها ، إلا جالهم حرقان من كثر ما يشربون عصير الربيع في الاجتماعات وبس .ثم قالي قبل امشي ممكن أهديلك أغنية ، قلت هات ، قال أغنية ( ياطفران ارقد ونام ) لا يصكك المدير بحسم تأخير ، وخل عنك سنغافورة ودبي ، واختفى الصوت تدريجيا وهو يردد ويضحك ( قال سنغافوره قال ) .
ويوم ( شبحت بالأمر ) وفعلا المجالس البلدية ( ماعندك احد ) ، ولا شاف منهم الموطن ما يدل على أنهم فعلا قائمين بالمطلوب منهم ، ولا نفذوا أي شي من وعودهم ، أنا اعرف إن دورهم نقل صوت المواطن واحتياجاته إلى البلدية ، يعني اغلب المجالس البلدية لم تجتمع مع المواطنين في ندوات واجتماعات دورية لأخذ طلبات المواطنين ، ولاطلاع المواطنين على ما سيقدم لهم من خدمات .
صاح ديك جارنا وقلت ياولد خل سلك أحلام الوردية مفصول ماعاد له لازم ، وياطفران ارقد ونام وقلبك لا تحمله هم.


خربشات فاضي

جديد المقالات

Editor

تحدي كورونا

08-27-1441

Editor

التعليم وأثره في التنمية..

11-20-1440

qassime

يتألمون حينما يتلقفون !

01-28-1440

qassime

الذكاء الاصطناعي

10-07-1439

qassime

شياطين الشعر بين الخيال والإبداع

08-07-1439

qassime

الناشئُ الأكبُر: الناقدُ..

08-06-1439

qassime

اسـتـقـلالـيـة الـنّـاقـد

08-06-1439

qassime

السّرقات الشّعريّة في النّقد..

08-06-1439

القوالب التكميلية للمقالات

التعليقات ( 1 )

الترتيب بـ
الأحدث
الأقدم
الملائم
  • #1
    10-16-1432 06:41 صباحًا ابو عبدالله :
    والله مقال روعة يا روعة أنت والله هذا الواقع خخخخ
    أجل واحد من الشباب امس كنا بالرياض يوم مرينا من جنب مبنى
    مكافحة الفساد ضحك وقال
    تدري مستاجرين المبنى بكم
    قلت بكم
    قال بسبعة مليون هههههه
    هذولا مكافحة الفساد اجل الباقين وش نقول هههههه
جميع الأوقات بتوقيت جرينتش +3 ساعات. الوقت الآن هو 08:07 صباحًا الأحد 23 ربيع الثاني 1443 / 28 نوفمبر 2021.